Bakvakt kynnir öryggislausnir framtíðarinnar á IÐNAÐARSÝNINGUNNI 2025

Við hjá Bakvakt ehf. erum spenntir að taka þátt í IÐNAÐARSÝNINGUNNI 2025, sem haldin verður í Laugardalshöll 9.–11. október. Þar ætlum við að sýna hvernig öryggislausnir okkar nýtast í mannvirkjagerð, orkuvinnslu, innviðum og vistvænni tækni – í fullu samræmi við áherslur sýningarinnar.

Umboð fyrir leiðandi framleiðendur í öryggistækni

Bakvakt er umboðsaðili fyrir öfluga og viðurkennda framleiðendur á sviði öryggis- og brunavarna. Á sýningunni munum við meðal annars kynna lausnir frá:

• ILOQ – Rafhlöðulaus, stafræn lyklakerfi sem henta jafnt fyrir fyrirtæki og stofnanir sem vilja losna við hefðbundna lykla og tryggja öfluga aðgangsstýringu með minni rekstrarkostnaði.
• NOX – Háþróað öryggiskerfi sem sameinar aðgangsstýringar, innbrotaviðvörun, myndavélar og sjálfvirkni í einni heildarlausn.
• TeledataOne – Sveigjanlegt brunaviðvörunarkerfi fyrir ýmisskonar umhverfi.
• BlazeCut – Sjálfvirkt slökkvikerfi fyrir vélarrými og tækniskápa – lausn sem slær í gegn þar sem hefðbundin kerfi duga ekki.
• i-PRO og AXIS – Hágæða öryggismyndavélar með gervigreind og hámarks áreiðanleika fyrir iðnað, gagnaver og almenningsrými.
• Reolink – Hagkvæmar og notendavænar IP-vélar sem henta sérstaklega vel fyrir minni kerfi eða heimilisnotkun.
• BEWAVE – Snjallöryggiskerfi sem samþættir skynjara, innbrotaviðvörun, hitastýringu og snjallstjórnun í gegnum app.
• Evalink – Skýjatengd vöktunarkerfi sem tryggja hraðari og markvissari viðbrögð við atvikum – í rauntíma.
• ELTEK / DELTA – Varaaflgjafar sem tryggja stöðugan rekstur öryggiskerfa, jafnvel við rafmagnsleysi eða nettruflanir.

Sýnileiki og þjónusta í takt við íslenskar aðstæður

Við hjá Bakvakt leggjum áherslu á að veita lausnir sem standast íslenskar aðstæður, hvort sem er á landi eða sjó. Lausnir okkar nýtast í fjölbreyttum rekstri, s.s.:

• Orku- og iðnaðarverkefnum
• Byggingum og mannvirkjum
• Gagnaverum og tæknilegum innviðum
• Skipum og sjávarútvegi
• Heimilum og minni rekstri

Við sjáum um ráðgjöf, innleiðingu, þjónustu og viðhald – og tryggjum þannig rekstraröryggi til lengri tíma.

Heimsæktu okkur á sýningunni

Við bjóðum alla gesti sýningarinnar velkomna á básinn okkar í Laugardalshöll. Þar verður hægt að:

• Skoða búnað og lausnir
• Spjalla við sérfræðinga Bakvaktar
• Fá ráðleggingar um lausnir sem henta ykkar rekstri
• Fá tilboð í vörur og þjónustu

Sýningin stendur yfir dagana 9.–11. október 2025 kl. 10:00–17:00.

Við hlökkum til að sjá þig – og ræða hvernig við getum tryggt öryggi og rekstraröryggi í þínum verkefnum.