4K WiFi 6 myndavél fyrir staði þar hætta er á að búnaður verði fyrir hnjaski

Reolink W437 er sama myndavél og áður var seld undir heitinu RLC-843WA. Aðeins vörunúmerið breyttist. Leit að RLC-843WA á því við þessa vöru.

Það sem greinir W437 frá öðrum 4K WiFi-myndavélum er húsið. Það er IK10-flokkað, sem er hæsta höggþolsflokkun IEC-staðalsins og þýðir að myndavélin þolir umtalsvert högg. Það gerir hana að raunhæfum kosti í bílakjallara, göngum, sameign, geymslum, verslunum og öðrum stöðum þar sem hefðbundin myndavél í lágri hæð gæti orðið fyrir hnjaski eða skemmdarverkum.

5x optískur aðdráttur

Linsan er mótorstýrð frá 2,7 mm upp í 13,5 mm með hámarksljósopi F1.6 og gefur 5x optískan aðdrátt. Þú getur því dregið að þér smáatriði í fjarlægð — bílnúmer við hlið, andlit við inngang — án þess að tapa upplausn eins og gerist við stafrænan aðdrátt. Myndflagan er 1/2,8″ CMOS og skilar 3840 × 2160 pixlum við 20 ramma á sekúndu.

Nætursjón í lit og fæling

Innbyggð kastljós gefa upptöku í fullum lit að nóttu án ofbirtu, og innrauðar LED-perur gefa svarthvíta nætursjón þegar ekki á að lýsa svæðið. Þegar myndavélin greinir grunsamlegan atburð getur hún kveikt kastljósin og háværa sírenu til að fæla frá, og hvoru tveggja má einnig stýra handvirkt úr Reolink-appinu.

Greining án áskriftar og tvíátta tal

W437 greinir á milli fólks, ökutækja og dýra og sendir tilkynningu aðeins þegar hún þekkir það sem þú hefur valið, sem fækkar fölskum boðum verulega. Þessi greining krefst ekki áskriftar. Innbyggður hljóðnemi og hátalari gera þér kleift að tala við þann sem er fyrir framan myndavélina.

WiFi 6 og tenging við NVR

Myndavélin styður WiFi 6 á bæði 2,4 GHz og 5 GHz, sem gefur stöðugra samband og betri nýtingu á bandbreidd þegar mörg tæki eru á sama neti. Hana má tengja við Reolink WiFi 6 NVR sem tekur allt að 12 rásir af 4K myndavélum, eða vista upptökur á microSD-kort í myndavélinni eða á FTP-þjón. Hún styður samfellda upptöku allan sólarhringinn, hreyfiupptöku og tímastillta upptöku.

Athugið við uppsetningu

W437 er föst myndavél með mótorstýrðri aðdráttarlinsu — hún er ekki mótorstýrð PTZ-myndavél og henni verður ekki snúið úr appinu. Sjónsviðið er því valið við uppsetningu. Hún er ekki PoE-myndavél og þarf rafmagn á staðnum. Húsið er úr áli og IP67-flokkað; IP-flokkun segir þó ekkert um tæringarþol, svo nærri sjó þarf vandaðan frágang á festingum og tengjum.

Helstu tæknilegar upplýsingar

• Eldra vöruheiti: RLC-843WA
• Myndflaga: 1/2,8″ CMOS
• Upplausn: 3840 × 2160 (8 MP) við 20 ramma/sek.
• Linsa: mótorstýrð f = 2,7–13,5 mm, hámarksljósop F1.6
• Aðdráttur: 5x optískur
• Nætursjón: innrauð LED og kastljós fyrir nætursjón í lit
• Hljóð: tvíátta tal, innbyggður hljóðnemi og hátalari
• Þráðlaust: WiFi 6, 2,4 GHz og 5 GHz tvíbands
• Geymsla: microSD-kort allt að 256 GB, Reolink NVR eða FTP-þjónn
• Myndþjöppun: H.265
• Höggvörn: IK10
• Veðurvörn: IP67, álhús
• Ábyrgð: 2 ára ábyrgð framleiðanda